ئۇيغۇر رايونىدىكى دائىرىلەر تۇنجى قېتىم «تەرەققىياتتىن ھەر مىللەت تەڭ بەھرىمەن بولۇش» نى ئېغىزىغا ئالدى

مۇشۇ ئاينىڭ 18-كۈنى ئۈرۈمچىدە ئاپتونوم رايونلۇق 16-قېتىملىق خەلق ئىشلىرى يىغىنى ئېچىلغان. يىغىندا پارتكوم سېكرېتارى جاڭ چۈنشيەن بىلەن تەيىنلەنگەن رەئىس نۇر بەكرى سۆز قىلىپ، خەلق تۇرمۇشىنى ياخشىلاش ھەققىدە بىر قاتار چاقىرىق ۋە تەشەببۇسلارنى ئوتتۇرىغا قويغان.
مۇخبىرىمىز شۆھرەت ھوشۇر
2012-10-22
Share

مەلۇم بولۇشىچە، ئوتتۇرىغا قويۇلغان چاقىرىقلاردىن پەقەت بىرى يېڭى ۋە دىققەتكە سازاۋەر بولۇپ، بۇ تەشەببۇستا رايوندىكى تەرەققىياتتىن ھەر مىللەت خەلقىنى تەڭ بەھرىمەن قىلىش تىلغا ئېلىنغان. بۈگۈنگە قەدەر خىتاي دائىرىلىرى، ئۇيغۇر مەسىلىسى ھەققىدە خەلقئاراغا جاۋاب بېرىشكە توغرا كەلگەندە، ئۇيغۇر رايونىدىكى تەرەققىياتلارنى، خىتاينىڭ مىللەتلەر سىياسىتىنىڭ پارلاق نەتىجىسى دەپ تەسۋىرلەپ كەلگەن.

رايون ۋەزىيىتىنى كۆزەتكۈچىلەر بولسا، رايوندىكى مەسىلە رايوننىڭ تەرەققىي قىلغان-قىلمىغانلىق مەسىلىسى ئەمەس، بۇ تەرەققىياتتىن ئۇيغۇرلارنىڭ بەھرىمەن بولالمايۋاتقانلىقى مەسىلىسى دەپ كۆرسەتكەن. خىتاي دائىرىلىرىنىڭ مەزكۇر تەشەببۇسنى تاسادىپىي ئېغىزدىن چىقارغانلىقى ۋە ياكى جىددىي بىر مۇزاكىرىدىن كېيىن تەشۋىقات ياكى سىياسەت لۇغىتىگە كىرگۈزگەنلىكى ھازىرچە مەلۇم ئەمەس.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت