Уйғур районидики даириләр тунҗи қетим “тәрәққияттин һәр милләт тәң бәһримән болуш” ни еғизиға алди

Мушу айниң 18-күни үрүмчидә аптоном районлуқ 16-қетимлиқ хәлқ ишлири йиғини ечилған. Йиғинда партком секретари җаң чүншйән билән тәйинләнгән рәис нур бәкри сөз қилип, хәлқ турмушини яхшилаш һәққидә бир қатар чақириқ вә тәшәббусларни оттуриға қойған.
Мухбиримиз шөһрәт һошур
2012-10-22
Share

Мәлум болушичә, оттуриға қоюлған чақириқлардин пәқәт бири йеңи вә диққәткә сазавәр болуп, бу тәшәббуста райондики тәрәққияттин һәр милләт хәлқини тәң бәһримән қилиш тилға елинған. Бүгүнгә қәдәр хитай даирилири, уйғур мәсилиси һәққидә хәлқараға җаваб беришкә тоғра кәлгәндә, уйғур районидики тәрәққиятларни, хитайниң милләтләр сияситиниң парлақ нәтиҗиси дәп тәсвирләп кәлгән.

Район вәзийитини көзәткүчиләр болса, райондики мәсилә районниң тәрәққий қилған-қилмиғанлиқ мәсилиси әмәс, бу тәрәққияттин уйғурларниң бәһримән болалмайватқанлиқи мәсилиси дәп көрсәткән. Хитай даирилириниң мәзкур тәшәббусни тасадипий еғиздин чиқарғанлиқи вә яки җиддий бир музакиридин кейин тәшвиқат яки сиясәт луғитигә киргүзгәнлики һазирчә мәлум әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт