Amérika prézidénti barak obama amérika eskerlirige éhtiram bildürdi

Düshenbe küni wirginiye shtatidiki arlington qurbanlar xatire qebristanliqida amérika tarixidiki urushta qurban bolghan herbiy xadimlarni xatirilesh murasimi ötküzüldi. Murasimda amérika prézidénti barak obama her yilqi adet boyiche urushta qurban bolghan amérika herbiy xadimlirining xatire munarigha gülchembirek qoyush bilen bille, nutuq sözlep barliq amérika herbiy xadimlirigha éhtiram bildürdi.

Obama öz nutqida amérika üchün jénini pida qilghan qehrimanlarni amérika döliti hem xelqining menggü xatirileydighanliqini bildürüp, murasimgha qatnashqan qurbanlar a'ilisidin hal soridi.

Radi'omiz igiligen uchurlardin melum bolushiche, nöwette amérikigha yerleshken Uyghurlar arisidimu amérika armiyiside herbiy wezipisini ötewatqan Uyghurlar sani ashmaqta iken. Bu yilqi qurbanlarni xatirilesh murasimigha amérikining wirginiye shtatidiki bir qisim Uyghurlarmu qatnashqan. Murasimgha qatnashqan bir Uyghur bu qétimqi murasimda özining amérika armiyisining pütün dunya insanlirining démokratiyidin hem erkinliktin behrimen bolushi üchün körsetken pidakarliqidin tolimu tesirlen'genlikini bildürdi.