Hélari klinton xitay ziyaritide arallarning igilik hoquq ixtilapi we kishilik hoquq mesilisini sözlishidu

Amérika dölet ishlar ministirliqining ashkarilishiche, hélari klinton 4- we 5-séntebir künliri béyjingni ziyaret qilghanda xitay bilen qoshna eller arisidiki jenubiy déngiz we sénkaku arallirining igilik hoquqi peyda qilghan ixtilap we tibetni öz ichige alghan kishilik hoquq mesilisi heqqide sözliship, xitayni arallarning igilik hoquq mesilisini qoral küchige tayinip hel qilishqa qarshi ikenliki heqqide agahlanduridiken.
Muxbirimiz erkin
2012-08-29
Élxet
Pikir
Share
Print

Amérika dölet ishlar ministirliqi bayanatchisi wiktoriye nuland seyshenbe küni muxbirlargha ziyaret heqqide uchur bérip, klintonning bu mesililer heqqide muzakire élip baridighanliqini bildürgen. U: biz jenubiy déngiz we herqandaq bir ixtilapni qoralliq küchke tayinip tehdit sélish arqiliq hel qilishni xalimaymiz. Biz bu xil mesililerni söhbet arqiliq hel qilishni telep qilimiz, dégen. Wiktoriye nuland yene, klintonning xitay ziyaritide tibet mesilisining otturigha qoyulush- qoyulmasliqigha izahat bérip, kishilik hoquq mesilisi asasen da'im otturigha qoyulidighan mesile. U xitay rehberliri bilen uchrashqanda da'im bu mesililerni sözlishidu. Shunga bu qétimmu bu mesililer otturigha qoyulidu, déyishke bolidu, dep körsetken.

Klinton xanim peyshenbe kündin bashlap tinch okyandiki kuk taqim aralliri, hindonéziye, xitay, sherqiy timur, brunéy qatarliq döletlerge qilidighan ziyaritini bashlaydu. U 8‏- we 9-awghust künliri prézidént obamagha wakaliten, rusiyining yiraq sherq rayonidiki wiladowistok shehiride échilidighan asiya-tinch okyan hemkarliq teshkilatining bashliqlar yighinigha qatnishidu.

Toluq bet