Klinton xanim xitay bilen süriye we jenubiy déngizdiki arallarning igilik hoquqi mesiliside pikir birliki hasil qilalmighan

Klinton xanim, xitay re'isi xu jintaw, bash ministir wén jyabaw, tashqi ishlar ministiri yang jyéchi qatarliq kishiler bilen söhbet ötküzüp, ulardin prézidént bashir esedning süriye hökümitini qollashni toxtitishni, jenubiy déngizdiki arallarning igilik hoquq mesiliside pozitsiyisini yumshitishni telep qilghan.

Yang jyéchi muxbirlarni kütüwélish yighinida xitayning süriye mesilisidiki pozitsiyini aqlap: tarix junggoning süriye mesilisidiki pozitsiyisi weziyetni muwapiq bir terep qilishqa paydiliq ikenlikini ispatlaydu, dégen.

Biraq klinton xanim süriyidiki zorawanliq i'ordaniye, türkiye qatarliq qoshna ellerge tesir qiliwatqanliqini eskertip, xewpsizlik kéngishining heriketke ötüshini telep qilghan. U: b d t xewpsizlik kéngishining émbargo qararigha rusiye bilen xitayning tosqunluq qilishi bizni ümidsizlendürgenliki rast. Biz heqiqiy bir mewqede dawamliq birliship, süriyidiki zorawanliqqa xatime bérishni ümid qilimiz, dégen.

Yang jyéchi, xitayning jenubiy déngizdiki arallarda igilik hoquqi barliqini tekitlep, buning tarixiy we qanuniy asaslargha tayinidighanliqi, buning rayondiki alaqidar döletler arisida söhbet we meslihet bilen bir terep qilinishi kéreklikini bildürgen.

Wén jyabaw klinton xanim bilen körüshkende, xitayning igilik hoquqi, zémin pütünlüki we négizlik menpe'itige hörmet qilishni telep qilghan.

Lékin klinton xanim muxbirlarni kütüwélish yighinida eskertip: bizning menpe'itimiz tinchliq we muqimliqni qoghdap, xelq'ara qanun'gha, erkin déngiz qatnishi, soda pa'aliyitining qanunluq hem rawanliqigha hörmet qilishtur, dégen.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar