Hindistanning bombay shehiride chong kölemlik térrorluq weqesi yüz berdi

26 - Noyabir kechte hindistanning bombay shehiride chong kölemlik bir térrorluq weqesi yüz bergen bolup roéytérs agéntliqida xewer qilinishiche, weqede 110 kishi ölüp 300 din artuq kishi yaridar bolghan.
Muxbirimiz jüme
2008.11.27

Bu qétimqi weqede bombay shehirining jenubidiki soda merkezliri asasliq nishani bolghan. Köp sanda chet'ellikler görüge élin'ghan. Hindistan bixeterlik küchliri görüge élin'ghanlarni qutquzush herikitini hélihem dawam qilmaqta.
 
Hindistan saqchi da'iriliri bügün weqe heqqide bergen bayanatida, térrorchilargha qarshi herikette, görüge élin'ghanlarning bixeterlikining birinchi orun'gha qoyulghanliqini, shu sewebtin heriketning asta boluwatqanliqini bildürgen.

 Amérika prézidénti jorj bush bu heqte bügün bayanat élan qilip, hindistanning térrorchilargha qarshi herikitini qollaydighanliqini bildürdi.

Shuning bilen birlikte yene en'giliyini öz ichige alghan bir qisim yawropa elliri rehberliri we bashqa dölet bashliqlirimu bu heqte bayanat élan qilip, barliq térrorluq heriketlirini eyibleydighanliqini, bombayda ölgenlerge échilidighanliqi we a'ile - tawabatlirigha sewr tileydighanliqini bildürdi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.