Һиндистан хитайниң далай лама һәққидики наразилиқини рәт қилди

Һиндистан ташқи ишлар министири чаршәнбә күни баянат елан қилип, хитай далай ламаниң аруначал прәдәш штатидики тибәтләр райони таваңни зиярәт қилишиға қарши чиқмаслиқи керәк, дегән. Аруначал штати хитай игилик һоқуқ даваси қиливатқан һиндистан - хитай арисида талаш тартиштики земин иди.
Мухбиримиз әркин
2009.10.01

Далай лама бу йил 11 ‏ - айда аруначални зиярәт қилидиғанлиқини елан қилған, лекин хитай һөкүмити далай ламаниң аруначални зиярәт қилиш пиланиға қарши чиққан иди.

Һиндистан ташқи ишлар министири кришна һиндистан телевизийә қанилиниң зияритини қобул қилғанда сөзлигән бу һәқтики бир сөзидә " далай лама бир диний рәһбәр, у сияси баянат елан қилмиған асаста қәйәргә беришни халиса һиндистандики шу җайни зиярәт қилалайду" дегән.

Далай ламаниң аруначални зиярәт қилишни елан қилған мәзгили хитай - һиндистан арисидики чегра ихтилапи күчийип, хитай асия тәрәққият банкисиниң аруначал прәдиш штатиға 60 милйон доллар қәрз беришигә қарши чиққан мәзгилләр иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.