Hindistan xitayni su menbesi hoquqigha hörmet qilish heqqide agahlandurdi

Bügün hindistan xitayni hindistanning su menbesi hoquqigha hörmet qilish heqqide agahlandurdi. Fransiye agéntliqining éytishiche, xitay da'irilirining yéqinda yarluzangbu deryasigha yene bir yéngi su éléktr istansisi qurushni pilan qilishni élan qilishi hindistanning xitaygha bundaq bir agahlandurush bérishige seweb bolghan.
Muxbirimiz irade
2013.01.31
Share on WhatsApp
Share on WhatsApp

Chünki yarluzangbu deryasi tibet arqiliq hindistan'gha tutushidighan derya bolup, derya hindistanda braxmaputra deryasi dep atilidu.

Hindistan da'iriliri bügün hindu géziti arqiliq élan qilghan bayanatida xitayni agahlandurup, xitay su éléktr istansilirini qurghanda su menbesidin ortaq paydiliniwatqan qoshna döletlerning menpe'etini oylishishi kérek, dégen.

Xitay yarluzangbu deryasi boyidiki su éliktér istansisi qurulushni 2010-yili bashlighan. Ular bu deryagha 3 istansa qurush we 6 dane 85 migawatliq génirator orunlashturush arqiliq rayondiki tok yétishmeslik mesilisini hel qilish nishanigha yetmekchi. Emma qurulush bashlighandin buyan bu mesile hindistan, xitay ikki terep arisidiki muhim muzakire témisigha aylandi. Hindistan bu qurulushning özlirining su menbelirige ziyan sélishidin endishe qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.