Һиндистан хитай билән болған һәрбий алақисини тохтатти

Һиндистан һөкүмити кәшмирдә вәзипә атқурған бир генералға хитайниң виза беришни рәт қилғанлиқи сәвәбидин, хитай билән болған һәрбий алақини тохтатқанлиқини елан қилған. "Һиндистан вақти" гезитиниң хәвәр қилишичә, хитай һөкүмити виза беришни рәт қилған бу әмәлдар һиндистанниң җаму ‏вә кәшмирдики һәрбий қисимлириға мәсул генерал летнанат дәриҗилик офитсер икән.
Мухбиримиз әркин
2010.08.27
Share on WhatsApp
Share on WhatsApp

У, 8 - ай ичидә хитайни зиярәт қилип хитай һәрбий даирилири билән юқири дәриҗилик һәрбий сөһбәт елип бармақчи болсиму, лекин бейҗиң һөкүмити униң қарши елинмайдиғанлиқини билдүрүп, виза беришни рәт қилған.

Һиндистан ташқи ишлар министирлиқи хитайни тәнқидләп, хитайни кәшмир мәсилисидә һиндистанниң мәйданиға сәл қараш билән әйиблигән. "Һиндистан вақти" гезитиниң хәвиридә әскәртишичә, вәқәдин кейин һиндистан һөкүмити хитай билән болған һәрбий алақисини тохтитип, ғәзәп билән бейҗиңға хәт язған.

Франсийә агентлиқиниң бүгүнки хәвиридә хитай ташқи ишлар вә дөләт мудапиә министирлиқлириниң мәзкур вәқәгә пикир баян қилишни рәт қилғанлиқини билдүрди. "Һиндистан вақти" гезити хитайниң генерал җасвалға виза беришни рәт қилиши, җасвалниң игилик һоқуқи талаш - тартиштики җаму вә кәшмирдә вәзипә өтәйдиған һәрбий әмәлдар икәнлики билән мунасивәтлик икәнликини илгири сүргән.

Кәшмир һиндистан билән пакистан тәрипидин бөлүшүп башқурулсиму, лекин хитай 1962 ‏- йилдики һинди - хитай чегра тоқунушидин бери кәшмирниң ақсайчин районини контрол қилип кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт