Höjjetlik filim-“Muhebbetning on sherti” ürümchi döngköwrük etrapida bayqalghan

Uyghur milliy herikiti rehbiri rabiye qadir xanim heqqide ishlen'gen höjjetlik filim -“Muhebbetning on sherti” ning ürümchi kochilirida peyda bolghanliqi ilgiri sürülgendin kéyin, xitay da'iriliri ürümchi döngköwrük etrapida öymu'öy axturushqa bashlighan.
Muxbirimiz jüme
2011.02.21

Dunya Uyghur qurultiyi bayanatchisi dilshat rishitning bildürüshiche, höjjetlik filim plastinkisi 10-féwralning aldi-keynide ürümchi döngköwrük etrapida bayqalghan.

“Muhebbetning on sherti” 2009-yili dékabirdin bashlap 30 din artuq xelq'araliq filim féstiwaligha qoyulghan we mezkur filim körsitilgen féstiwallar xitayning qarshiliqigha uchrighan idi.

Mezkur höjjetlik filimning birdinla ürümchi kochilirida tarqilishi xitay da'irilirini jiddiyleshtürgen.

Dilshat rishitning éytishiche, xitay da'iriliri ötken ikki heptidin buyan döngköwrük etrapidiki dukan we Uyghur öylirini axturushni dawamlashturmaqta iken.

“Muhebbetning on sherti” ning 2009-yili mélburn xelq'ara filim féstiwaligha tunji qétim qoyulushi awstraliye-xitay munasiwetlirini bir mezgil yirikleshtürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.