ئۆتكەن شەنبە كۈنىمۇ خوڭكوڭدا كەڭ كۆلەملىك نامايىش يۈز بېرىپ، خوڭكوڭلۇق ئاتا - ئانىلار، خىتاي مەركىزى ھۆكۈمىتىنىڭ خوڭكوڭلۇق ياش - ئۆسمۈرلەرنىڭ مېڭىسىنى يۇماقچى بولۇۋاتقانلىقىغا قارىتا نارازىلىق بىلدۈرۈلگەن ئىدى.
ب ب س ئاگېنتلىقىنىڭ خەۋىرىدىن مەلۇم بولۇشىچە، خوڭكوڭدا داۋاملىشىۋاتقان نارازىلىق نامايىشلىرى دائىرىلەرنى جىددىيلەشتۈرگەن. تۈنۈگۈن يەنى دۈشەنبە كۈنى خوڭكوڭ مەمۇرىي رايون باشلىقى لياڭ جىڭيىڭ دۆلەت تەربىيىسى دەرسلىكىگە قارشى تۇرۇۋاتقان ئاتا - ئانىلار بىلەن مەزكۇر مەسىلىدە مەسلىھەتلىشىش تەكلىپىنى ئوتتۇرىغا قويۇپ، يېڭى دەرسلىكنىڭ ئوقۇغۇچىلارنىڭ مۇستەقىل پىكىر قىلىش، ئوبيېكتىپ ۋە ئادىل ھۆكۈم قىلىش ئىقتىدارىغا كاشىلا قىلمايدىغانلىقىنى تەكىتلىگەن. ئەمما خوڭكوڭلۇق ئاتا - ئانىلار ھەم ئوقۇغۇچىلار «خىتاي مەركىزى ھۆكۈمىتى تەرىپىدىن تېڭىلغان دۆلەت تەربىيىسى دەرسلىكىنى ئەۋلادلارنىڭ مېڭىسىنى يۇيۇش ئۈچۈن تۈزۈلگەن» دەپ ئەيىبلىمەكتە.
