“HP” ширкити хитай завутлиридики бала ишчиларни ишлитиш қилмишиға зәрбә беридиғанлиқини билдүрди

Мәлум болушичә, хитайдики запчас тәминлигүчи завутларда бала ишчи яки оқуғучиларни ишлитип, чиқим тиҗәшкә урунидиған әһваллар садир болған. Бу хитай завутлири ишчиларниң хизмәт муһити вә айлиқини яхшилашниң үстигә уларни аз пулға җиқ ишлитип, пайда тапмақчи болушқан.

“HP” ширкитиниң билдүрүшичә, нөвәттә мәзкур ширкәт хитай завутлирида садир болуватқан юқириқи қилмишларға қарши тәдбир қоллиниш үчүн бир бәлгилимә түзүп чиққан.

Бәлгилимидә, вақитлиқ ишләйдиған оқуғучи ишчиларни қисқартип, толуқ ишләйдиған мәликилик ишчиларни көпәйтиш қатарлиқлар көрситилгән.

Бәлгилимидә йәнә, әгәр оқуғучиларни ишқа елишқа тоғра кәлсә, оқуған кәспи завуттики ишқа мас келидиғанларни елиш, уларға берилидиған тәминат вә хизмәт муһитини яхшилаш тәләп қилған.

Илгири хитай һөддигәрлири мәһсулат тәннәрхини төвәнлитиш үчүн уйғур елидин уйғур деһқан яшлирини көпләп йөткәп кәлгән.

Уларниң арисида қорамиға тошмиғанларниңму барлиқи һәмдә көпинчисиниң қиз ишчи болуши уйғурларни ғәзәпләндүргән иди.