Келәрки 5 йил ичидә хитайдики толуқ оттура синиплириға һәр йили 10 миң оқуғучи әвәтилидикән

'Хәлқ гезити'ниң ашкарилишичә, келәрки бәш йил ичидә, хитай өлкилиридики толуқ оттура синиплириға уйғур аптоном районидин һәр йили 10 миңдин оқуғучи әвәтилидикән.
Мухбиримиз вәли
2010-10-20
Share

Аптоном районлуқ партком даими әзаси әркин турахунниң ейтишичә, 'ички өлкиләрдики толуқ оттура синиплири аз санлиқ милләт балилириға җуңхуа миллитини етирап қилдуруш вә уларниң миллий кимликини шәкилләндүрүштә зор төһпә яратқан.' Буниңдин кейинки 6‏ - қарар пиланни әмәлгә ашурушқа, хитайниң маарип министирлиқи вә дөләт миллий ишлар комитети бивастә арилишидикән.

Аптоном районлуқ маарип назаритиниң баян қилишичә, хитай өлкилиридики толуқ оттура синиплириға уйғур аптоном районидин оқуғучи қобул қилиш 1989‏ - йили башланған. Шуниңдин буян, пиландики җәми 5 қарарда хитай өлкилиридики толуқ оттура синиплирини пүттүргән оқуғучи сани 13 миңдин ашиқан.

Йеқинқи бир нәччә йил ичидила, ички өлкилиригә әвәтилгән оқуғучи сани тез көпәйтилип, һазир хитайниң ички өлкилиридики 200 дин мәктәпниң толуқ оттура синиплирида уйғур аптоном районидин әвәтилгән 30 миң оқуғучи оқуватиду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт