Shwétsariye we xitay rehberlirining uchrishishida ikki Uyghur mesilisi tilgha élin'ghan

Fransiye axbarat agéntliqining xewer qilishiche, bügünki shwétsariye we xitay rehberlirining uchrishishida gu'antanamo türmisidiki aka - uka mehbuslar mesilisi tilgha élin'ghan.
Muxbirimiz shohret hoshur
2010.01.26
Share on WhatsApp
Share on WhatsApp

Shwétsariye hökümiti gu'antanamodiki Uyghurlardin bextiyar maxmut we erkin maxmuttin ibaret ikki aka - uka mehbusni shwétsariyge qobul qilishni oylushiwatqan bolup, ötken hepte xitay buninggha naraziliq bildürgen idi.

Bügün ikki dölet arisida ötküzülgen soda söhbitide shwétsariye prézidénti doris lé'utard, tashqi ishlar ministiri michéline réy, we xitay mu'awin bash ministiri li kéchyanglar uchrashqan. Söhbet prézidént doris ikki Uyghur mesilisini tilgha alghan we terepler bu heqte pikirlirini bayan qilishqan. Emma söhbet dawamida ikki Uyghur mesiliside konkért némiler déyilgenliki xewerde bayan qilinmighan؛ peqet ikki Uyghur mesilisining yighinning keypiyatigha tesir körsetkenliki eskertilgen.

Xitay ötken heptidiki bayanatida, gu'entanamodiki Uyghurlarning sherqi türkistan islam herikitining ezaliri ikenlikini we térrorchiliq gumandarliri ikenlikini, shunga ularning amérikigha qoyuwétilishigimu herqandaq bir dölet teripidin qobul qilinishighimu qarshi ikenlikini؛ ularning peqet xitaygha qayturulushi kéreklikini tekitligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.