Béyjingda Uyghur aliy mektep oqughuchilirining “Iksaq longqisi” putbol musabiqisi ötküzüldi

Mushu ayning 22-we 23-küniliri béyjingdiki merkizi milletler uniwérsitétida Uyghur aliy mektep oqughuchiliri ara “Iksaq longqisi”ni talishish putbol musabiqisi ötküzülgen.
Muxbirimiz shöhret hoshur
2011.10.24

“Uyghur biz” torining bu heqtiki xewiride bildürülüshiche, musabiqige béyjingdiki herqaysi aliy mekteplerde oquwatqan Uyghur oqughuchilardin teshkillen'gen 16 komanda qatnashqan. Yene xewerde eskertilishiche, bu mezkur longqini talishish musabiqisining 23-qétimliqidur.

Tarixiy melumatlarda körsitilishiche, Uyghur élide putbol herikitining bashlinishi, 1880-yillarning aldi keynige, meshhur Uyghur bayliridin bawdun hüsen bayning atushta penniy mektep achqan yillargha toghra kélidu.

Yene tarixiy melumatlarda körsitilishiche, ötken esirning 20-yillirida atushning iksaq kentidiki Uyghur putbolchilar, qeshqerdiki en'gliye we shwétsiye konsulxanilirining putbol komandiliri bilen musabiqileshken we reqiblirini yenggen.

Béyjingdiki Uyghur aliy mektep oqughuchiliri “Iksaq longqisi” putbol musabiqisi arqiliq Uyghur tarixidiki ehmiyetlik weqe we muhim shexslerni xatirilep kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.