Ilham toxti: 'men jehennemge yollinishim mumkin'

Béyjing merkiziy milletler uniwérsitéti dotsénti ilham toxti "nyu-york waqit géziti" ning ziyaritini qobul qilip özining nöwettiki ehwali heqqide toxtaldi we Uyghurlar yoluquwatqan milliy kemsitishlerge qarshi meydan'gha chaqmaqtin özge yol yoqluqini bildürdi.
Muxbirimiz jüme
2010.08.21
Share on WhatsApp
Share on WhatsApp

Ilham toxti yene, özining bixeterliki heqqide toxtilip, "ular mendin bekmu xapa. Ular manga chong balagha muptila bolidighanliqimni éniq éytqan idi," dégen.

Ilham toxti muxbirigha otken yildiki "5 - iyul weqesi" din kéyin, xitay bixeterlik xadimlirining uni atalmish 3 heptilik "dem élish"qa orunlashturghanliqi we uni soraq qilghanliqini bildürgen.

Melum bolushiche, soraqchilar ilham toxtini xitay hökümitini ochuq - ashkara eyibleshtin toxtashqa qistighan. Ilham toxti mundaq dégen: "ular bezide manga bek yaxshi mu'amile qilishidu, emma bezide bolsa biz sini xuddi chümülidek yanjiwételeymiz deydu."

Ilham toxti yene, Uyghur élidiki Uyghurlar yoluquwatqan adaletsizliklerning Uyghurlarni barghanche ghezeplendüriwatqanliqi, Uyghurlarning iqtisadiy jehette chetke qayrip qoyulghanliqi, shuning üchün Uyghurlar uchun sözleshke mejbur ikenlikini bildürgen.

U, axirida oz bixeterliki heqqide toxtilip, "eger bu yerdiki ishlar men oylighandek tiz özgermise men tügishimen. Belkim men jehennemge yollinishim mumkin. Emma perwayim pelek. Belkim bezi jehetlerdin élip éytqanda men özümni alliqachan shundaq muhitta désemmu bolidu" dégen.

Ilham toxti xitay hökümitining Uyghur élige qaratqan siyasetlirini eng küchlük tenqidligüchilerning biri.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.