Ингушетийдә қораллиқ күчләрниң һуҗумида 20 рус сақчиси өлди

17 - Авғуст дүшәнбә күни әтигәндә, русийиниң ингушетийә районида, рус сақчилири һуҗумға учриған. Һуҗумда 20 сақчи өлгән вә йәнә бир қисим сақчиларни өз ичигә алған 138 адәм һәрхил дәриҗидә яриланған.
Мухбиримиз җүмә
2009.08.17

Әл җәзирә телевизийисидә хәвәр қилинишичә, намәлум бирәйлән бомба қачиланған бир аптомобилни, ингушетийә нәсран шәһәрлик сақчиханиси дәрвазисиға урған. Әтигәнлики чениқиш учун тизилған сақчилар оқ чиқарған болсиму, һуҗумни тосуп қалалмиған. Нәтиҗидә бомба партлап 20 сақчи өлгән.

Мәлум болушичә, һуҗумда сақчиханиниң қорал искилатиму партлап кәткән. Партлашта әтраптики бир қисим ой вә ишхана биналириму зәрбигә учриған.

Вәқәдин кейин, русийә президенти буйруқ чүшүрүп, ингушетийә җумһурийити сақчи башлиқини хизмәттин һәйдигән.
 
Ингушетийә җәнубий русийидики әң намрат районларниң бири. 1992 - Йили чечинийидин парчилинип ингушетийә җумһурийити қилип тәшкиллигән. Ингушетийиниң асаслиқ нопуси болға ингушлар сунний мәзһипигә тәвә мусулман хәлқтур.

Мәлум болушичә, ингушетийдә һөкүмәткә қарши қораллиқ күчләр күчийишкә башлиған. Улар бу йил июнда кремил тәрипидин тәйинләнгән ингушетийә президенти юнус бек йевкурофқа һуҗум қилип уни еғир яриландурған иди.

 
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.