Интернет саһәси каттивашлири пикир әркинликини қоғдаш низамини бекитти

Бу интернет саһәсидики каттивашлар илгири хитайниң пикир әркинликини тосаш қилмишиға һәмкарлишип,абонтларниң шәхси материяллири һәм мәхпийәтликлирини ашкарилаш билән әйибләнгән иди.

Бу нөвәт елан қилған баянатта, интернет мулазимәт саһәсиниң кәспи әхлақи низам буйичә," мәзкүр баянатқа қатнашқан интернет мулазимәт ширкәтлириниң бирликтә абонтларниң пикир әркинлики һәмдә мәхпийәтликлиригә һөрмәт қилиш вә қоғдаш,һәр қандақ һөкүмәтниң абонтларниң шәхси һөҗҗәтлирини ашкарилишиға һәмкарлишиш тәлипини рәт қилиш"тәшәббус қилинған.

Мәзкүр бирләшмә баянат елан қилишқа йәнә сиско (cisco) интернет ширкити, кишилик һоқоқ тәшкилатлири һәмдә бир қисим нопозлуқ тәтқиқатчилар қатнашқан.

Бу даңлиқ интернет тор мулазимәт ширкәтлириниң бирләшмә баянатида елан қилған йеңи низамида йәнә, мәзкүр интернет мулазимәт ширкәтлири һәр қандақ дөләт билән болған иқтисадий һәмкарлиқида,инсан һәқлирини қоғдашни оттуриға қоюш бәлгиләнгән.

2005 - Йили хитай мухбири шитавға, яху ширкитиниң хитай һөкүмитигә архип тәминлиши билән, дөләт мәхпийәтликини ашкарилаш җинайити артилип, у 10 йиллиқ қамақ җазасиға учриған.

Гәрчә яху ширкити хитайда мулазимәт қилишиниң хитай һөкүмитиниң бесимиға дуч келиватқанлиқини көрситип өзини ақлиған болсиму, интернет саһәсидә сәтчилик пәйда қилип, абонтларни үмидсизләндүргән иди.