Иран йәнә 10 уран тавлаш завути қурмақчи

Иран һөкүмити алдинқи һәптидә бирләшкән дөләтләр тәшкилати атом оргининиң иранниң уранлири русийидә тавлап бериш һәққидики қарарини қобул қилмайдиғанлиқини елан қилғандин кейин, иранниң ядро мәсилиси йәнә мурәккәпләшкән шуниңдәк арқидинла иран һөкүмити кәң көләмлик һәрбий маневир башлиған иди.
Мухбиримиз үмүдвар
2009.11.29

Америка авазиниң хәвәр қилишичә, иран мәтбуатлири иранниң йеңидин 10 уран тавлаш завути қурушни қарар қилғанлиқини хәвәр қилған. Мәлум болушичә, бу завутниң 5 җайдики орни тәстиқланған һәмдә қалған бәш орун давамлиқ изләнмәктә икән.

Йәкшәнбә күни иран һөкүмити бирләшкән дөләт тәшкилатиниң атом оргини билән болған һәмкарлиқини азайтидиғанлиқини елан қилған.

Алдинқи айда мәзкур орган иранда тәкшүрүш елип барған һәмдә җүмә күни иран һөкүмитидин уран тавлашни вә мәхпий ядро әслиһәси қурушни тохтитишни, барлиқ йошурун ядро базилирини ашкарилашни тәләп қилған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.