Иран, б д т хәвпсизлик кеңишиниң җаза қарариға наразилиқ билдүрди

Б д т хәвпсизлик кеңиши иранға җаза қоллинишни қарар қилғандин кейин иран президенти әхмәди ниҗат баянат берип, қарарниң иранниң уран тавлишини тосуп қалалмайдиғанлиқини билдүрди.
Мухбиримиз ирадә
2010.06.10

Иран парламенти бүгүн б д т ниң ядро мәсилилири тәкшүрүш оргини билән болған мунасивәтлирини қайта көздин кәчүрүп чиқидиғанлиқини елан қилди. Б б с ниң билдүрүшичә, иран бундин кейин хәлқара атом енергийә оргини UAEK ниң тәкшүрүш хизмәтлирини рәт қилиши яки азайтиши мумкин икән.

Америка ташқи ишлар министири һилларий клинтон б д т хәвпсизлик кеңишиниң җаза қарарини қарши алидиғанлиқини, әмма иран билән болған дипломатийиниң тохтап қалмайдиғанлиқини билдүрди.

Франсийә агентлиқиниң хәвәр қилишичә, иранға җаза йүргүзүш қарари қобул қилинғандин кейин, иран хитайни "ислам дуняси алдидики һөрмитини йоқитип қойди" дәп әйиблигән иди. Әмма арқидинла иран президенти әхмәдиниҗадниң хитай даирилири билән учришиш елип бериш үчүн пәйшәнбә күни чүштин кейин шаңхәйгә йетип кәлгәнлики мәлум болди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.