Иран даирилири шәнбә күни ядро мәсилисидә ғәрб әллиригә ултиматум тапшурди

Иран даирилири шәнбә күни ядро мәсилисидә баянат елан қилип, бир айлиқ мөһләт ичидә иранниң ядро реакторлирини һәрикәткә кәлтүрүш үчүн ғәрб әллириниң иранға қоюлдурулған уран сетип бериши, ундақ болмайдикән иранниң өз алдиға уран қоюлдурушқа башлайдиғанлиқини билдүрүп ғәрб әллиригә ултиматум тапшурди.
Мухбиримиз җүмә
2010.01.02
Share on WhatsApp
Share on WhatsApp

Америка авазида нәқил қилинишичә, иран ташқи ишлар министири маночеһр моттаки иранниң ядро мәсилисидә "хәлқара җәмийәтниң пәқәт қарар чиқиридиған бир ай вақти бар" лиқини илгири сүрди вә " бу бир ултиматум" деди.

Иран 31 - декабир бирләшкән дөләтләр тәшкилати оттуриға қойған һәл қилиш келишимни рәт қилған болсиму, әмма иранда қоюлдурулған төвән дәриҗилик уранни ядро енергийиси йеқилғусиға тегишишни халайдиғанлиқини билдүргән иди.

Иран даирилири ядро енергийиси учун уран қоюлдурушқа башлиғанлиқини ашкарилиғандин кейин, бирләшкән дөләтләр тәшкилати иранни мәзкур пиланидин ваз кечишини көп қетим дәвәт қилған вә иранға қарита үч түрлүк ембарго қойған иди.

Б д т иран қоюлдурған төвән дәриҗилик уранларниң һәммисини тошуп чиқип кетип, франсийә вә русийә даирилириниң қоюлдурушиға тапшуруш, вә йеқилғуни иран туприқида алмаштурмаслиқ тәлипини қойған. Иран б д т ниң бу тәләплиригә қошулмиған вә ядро йеқилғусини пәқәт түркийә туприқида алмаштуруш пикрини тонуштурған.

Б д т әгәр иран бу тәләпләргә қошулмиса иранға йәнә ембарго қойидиғанлиқини көрсәткән.

Иран өзи қоюлдуруватқан уранларниң пәқәт хәлқ турмушини қамдайдиған ядро енергийини учун ишлитидиғанлиқини илгири сүргән болсиму, әмма америка вә исраилийә қатарлиқ дөләтләр иранниң атом бомбиси яшаш ғәризи барлиқини оттуриға қоюп иранни уран қоюлдуруш пиланини бикар қилишқа қистап кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт