Irandiki namayish toqunushqa aylandi

Birleshme agéntliqning bu heqtiki xewiride éytilishiche, bir qanche ming namayishchi hökümetke qarshi sho'ar towlap namayish qilghan, öktichilerning bildürüshiche, saqchilar namayishchilargha oq chiqarghan we közdin yash aqquzush bombisi atqan hemde töt neper namayishchi ölgen. Biraq, saqchi terep buni étirap qilmighan.

B b s agéntliqining xewer qilishiche, shenbe küni saqchilar téhranning shimalidiki bir meschitte ötküzülgen yighilishni yash aqquzush bombisi étip tarqatqan idi. Téxi aldinqi heptide öktichiler sabiq iran diniy dahiyisining süritini yirtqanliqi üchün iran saqchi, herbiy we diniy erbabliri öktichilerni qattiq jazalashni telep qilghan.

Irandiki öktichilik namayishliri 6 - aydiki prézidént saylimida exmedi nijatning qayta saylinishidin kélip chiqqan bolup, öktichiler saylamning adil bolmighanliqini bildürgen hemde islahat élip bérishni telep qilghan idi. 6 - Aydiki namayishmu keng kölemlik tüs alghan.

Bu qétim öktichiler saqchi terepning tosushigha qarimay, yekshenbe küni shi'elerning en'eniwi bayrimi munasiwiti bilen téhran merkizidiki meydanda yighilish élip barghan idi.