Иран сайлам беләтлирини қайта статистика қилмақчи

Иранда өткүзүлгән сайлам нәтиҗиси елан қилинип әһмәди ниҗадниң қайта президент болғанлиқи билән җүмә күнидин башлап иран вәзийитидә җиддий өзгириш йүз бәрди. Йәни президент намзати һөсәйин мусавейниң қоллиғучилири сайлам нәтиҗисидин йәни беләт саниниң тоғрилиқидин гуманланған һәмдә кәң көләмлик наразилиқ һәрикити башлиған, мусавейниң қоллиғучилири билән әһмәди ниҗадниң қоллиғучилири оттурсидиму топилаң йүз берип, иранда бу хил вәзийәт бүгүн төтинчи күнигә қәдәм қойди.
Мухбиримиз гүлчеһрә
2009-06-16
Share

Б б с ниң хәвиридә көрситилишичә, дүшәнбә күнидики хәлқниң наразилиқ һәрикити давамида йәттә киши етип өлтүрүлгән. Иран теливезийисидә көрситилишичә, вәқә, амминиң теһрандики бир һәрбий газармиға бесип кириши билән келип чиққан.

Иран президент сайлими кризисқа йүзләнгәндин буян иран даирилири чәтәл мухбирлириниң зиярәт қилишини чәкләватқан болуп, сәйшәнбә улар чәтәл ахбарат орунлириниң зиярәт қилиштин бурун рухсәт елишини уқтурған.

Дүшәнбә күни теһранда елип берилған сайламға қарши наразилиқ намайишиға йүз миңларчә киши қатнашқан болуп, бу иран тарихидики көлими әң зор наразилиқ һәрикити һесаблиниду.

Иран алий даһийси һүмәйни бу қетимлиқ президент сайлам белитини қайта ениқлаш буйруқи чүшүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт