Iran saylam béletlirini qayta statistika qilmaqchi

Iranda ötküzülgen saylam netijisi élan qilinip ehmedi nijadning qayta prézidént bolghanliqi bilen jüme künidin bashlap iran weziyitide jiddiy özgirish yüz berdi. Yeni prézidént namzati höseyin musawéyning qollighuchiliri saylam netijisidin yeni bélet sanining toghriliqidin gumanlan'ghan hemde keng kölemlik naraziliq herikiti bashlighan, musawéyning qollighuchiliri bilen ehmedi nijadning qollighuchiliri ottursidimu topilang yüz bérip, iranda bu xil weziyet bügün tötinchi künige qedem qoydi.
Muxbirimiz gülchéhre
2009.06.16

B b s ning xewiride körsitilishiche, düshenbe künidiki xelqning naraziliq herikiti dawamida yette kishi étip öltürülgen. Iran téliwéziyiside körsitilishiche, weqe, ammining téhrandiki bir herbiy gazarmigha bésip kirishi bilen kélip chiqqan.

Iran prézidént saylimi krizisqa yüzlen'gendin buyan iran da'iriliri chet'el muxbirlirining ziyaret qilishini cheklewatqan bolup, seyshenbe ular chet'el axbarat orunlirining ziyaret qilishtin burun ruxset élishini uqturghan.

Düshenbe küni téhranda élip bérilghan saylamgha qarshi naraziliq namayishigha yüz minglarche kishi qatnashqan bolup, bu iran tarixidiki kölimi eng zor naraziliq herikiti hésablinidu.

Iran aliy dahiysi hümeyni bu qétimliq prézidént saylam bélitini qayta éniqlash buyruqi chüshürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.