Аятуллаһ хамейний намайишчиларни агаһландурди

Иран али диний рәһбири аятуллаһ хамейний теһран университетида җүмә хутбиси сөзләп, иран президент сайлиминиң өктичи намзати һөсәййин мусәвиниң қоллиғучилирини коча намайишиға хатимә беришкә чақирди. У иранда йеқинқи 30 йилдин бери йүз берип бақмиған зор көләмлик намайишларға сәвәб болған бу сайламда әхмәдиниҗадниң "һәл қилғуч ғәлибә " гә еришкәнликини илгири сүрди.
Мухбиримиз әркин
2009-06-19
Share

Бу хамейнийниң иранда зор көләмлик намайиш партлиғандин бери тунҗи қетим ашкара мәйданға чиқип, сайлам нәтиҗисини ақлиши болуп һесаблиниду. Сайламдики ғалип тәрәпни коча намайишлириниң әмәс, бәлки сандуқтики биләтниң бәлгилиши керәкликини тәкитлигән хамейний, зораванлиқлар йүз бәрсә буниңға йитәкчиләрниң җаваб болидиғанлиқини агаһландурған.

Өктичи президент намзати мусәви 12 ‏ - июндики сайламда сахтипәзлик йүз бәргәнликини елан қилип, сайлам нәтиҗисини инавәтсиз қилишни тәләп қилған. Буниң билән иранда мусәвиниң қоллуғучилириниң кәң көләмлик намайиши партлиған иди.

Сайламда әхмәдиниҗадниң 63% биләткә еришкәнлики, мусәвиниң 34% биләткә еришкәнлики елан қилинған. Лекин теһранда мусәвиниң 13 милйондин көп биләткә еришкәнлики, әмма сайлам нәтиҗиси әхмәдиниҗадниң ғәлибисигә елан қилинғанлиқиға даир гәп - сөзләр кәң тарқалған.

Хамейней җүмә хутбисидики нутиқида бу қарашларни рәт қилип, президент обамаға һуҗум қилди. У америкини "иран хәлқини исянға күшкүртүш"билән әйиблигән.



Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт