Ирақтики партлашта 30 адәм өлди

Йәкшәнбә күни ирақниң һәр хил милләтләр арилишип яшайдиған киркук шәһиридә өзини өлтүрүш характерлиқ партлаш вәқәси йүз берип аз дегәндә 30 адәм һаятидин айрилди 70 тин артуқ адәм яридар болди.
Мухбиримиз үмидвар
2013.02.03


Америка авазиниң хәвәр қилишичә, кичик типтики йүк аптомобили билән қилинған бу һуҗум шу җайдики сақчи идарисидә йүз бәргән болуп, шу әтраптики биналарға мәлум дәриҗидә зәрәр йәткән.

Киркук шәһиридә сүнни вә шиә мәзһипигә мәнсуп болған әрәб, түркмән, курд қатарлиқ милләтләр яшайду. Хәвәрләрдин мәлум болушичә, садам һөкүмити йиқилип, шиә мәзһипигә мәнсуп адәмләр көпрәк орундин тәшкилләнгән ирақ йеңи һөкүмити һакимийәтни игилигәндин кейин сүннийләрниң наразилиқлири күчәйгән икән. Әмма киркуктики бу партлаш вәқәсини техи һечқандақ бир тәшкилат өз зиммисигә алмиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.