Хитайниң хенән өлкисидики нәччә миң ишчи иш ташлиди

Радиомиз игилигән учурлардин мәлум болушичә, хитайниң хенән өлкиси шинфей електр үскүниләр завутидики ишчилар сәйшәнбә күнидин башлап иш ташлиған.
Мухбиримиз меһрибан
2012-10-11
Share

Бүгүн 11-өктәбир пәйшәнбә күниму йәнә нәччә миң ишчи иш һәққини өстүрүп беришни тәләп қилип, завут қорусида намайиш қилған. Завутта ишқа кәлмигән ишчилар 10 миңға йәткән.

Мәлум болушичә, шинфей електр үскүнилири завутидики ишчиларниң оттуричә айлиқ иш һәққи 1000 йүәнгә йәтмәйдиған болуп, иш алдираш вақитларда артуқ ишлигән ишларға берилидиған иш һәққиму айлиқиға 1200 йүән әтрапида болуп, бу хитайниң шәрқий деңиз бойидики ишчи-хизмәтчиләрниң айлиқ оттуричә мааши 2160 йүәнниң йеримиғиму йәтмигән.

Хитайниң һөкүмәт ахбаратлири бүгүн бу һәқтә бәргән хәвәрлиридә, нөвәттә завут тәрәп билән ишчилар оттурисида сөһбәт елип бериливатқанлиқини,ишчиларниң тәләплириниң һөкүмәт даирилири тәрипидин музакирә қиливатқанлиқини, әмма қалаймиқанчилиқ қилғучиларниң тегишлик җазаға тартилидиғанлиқини илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт