Islam kerimof shangxey guruhining térrorizmgha qarshi turush ehdinamisini resmiy imzalidi

2009 - Yili, rusiyining yékaterinaburg shehiride ötküzülgen shangxey hemkarliq teshkilatining yighinida maqullan'ghan shangxey hemkarliq teshkilatining térrorizmgha qarshi turush ehdinamisi ikki yil ötkendin kéyin özbékistan prézidénti islam kerimof teripidin imzalinip, özbékistanning bu ehdinamini resmiy türde qobul qilghanliqi qanunlashturuldi.
Muxbirimiz ümidwar
2011.12.18

Rusiyining “Régnum” uchur torining xewer bérishiche, 30 - noyabir küni bu ehdinamini qobul qilishqa a'it qanun özbékistan parlaméntining töwen palatasi teripidin qobul qilin'ghan. 6 - Dékabir küni yuqiri palata uni resmiy testiqlighandin kéyin 16 - dékabir küni prézidént islam kerimof buni imzalighan.

Shangxey hemkarliq teshkilatining mezkur térrorizmgha ortaq qarshi turush ehdinamisi mezkur teshkilatqa eza memliketler birdek halda tutqunlarni qayturup bérish, her qaysi döletlerning qanun we bixeterlik da'iriliri mesililerni hel qilishqa birlikte qatnishish hem bashqa bir qatar mezmunlargha ige.

Bu ehdiname bashqa eza döletler teripidin imzalinip bolun'ghan idi. Mezkur ehdinamining xitayning dölet menpe'etlirige bekrek uyghun ikenliki bildürülmekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.