Xitaydiki qorchaq emeldarlardin ismayil tiliwaldi xarwatiyeni ziyaret qildi

Xitay memliketlik xelq qurultiyining mu'awin emeldarliridin biri bolghan ismayil tiliwaldi, xitay teripidin xarwatiyige ziyaretke ewetilgen. Bügün ismayil tiliwaldi xarwatiye prézidénti bilen körüshken.
Muxbirimiz shohret hoshur
2010-11-02
Share

Söhbet dawamida xarwatiye prézidénti xitayning yéqinqi 30 yilliq tereqqiyatigha medhiye oqughan we shangxey körgezmisini muweppeqiyetlik ötküzgenlikini tebrikligen. Ismayil tiliwaldi bolsa, xarwatiyening xitayning bir junggo prinsipini we dölet pütünlükini himaye qilip kelgenlikige arqa - arqidin minnetdarliq bildürgen.

Xewerlerdin melum bolushiche, ismayil tiliwaldining bu ziyariti dawamida héchqandaq konkrét mesile yaki bir ehmiyetlik téma otturigha qoyulmighan.

Közetküchilerning qarishiche, xitay, bir Uyghur emeldarni dölet derijilik chet'el ziyaritige ewetish arqiliq, dunyagha xitaydiki az sanliq milletlerning siyasiy ornini üstün qilip körsitishke, jümlidin Uyghur rayonidiki milliy mesililerni pedezlep körsitishke tirishiwatqan bolushi mumkin iken. Uning üstige ismayil tiliwaldi ziyaret qilghan döletning, sabiq impéri'alist we kommunist dölet yügüslawiyidin bölünüp chiqqan xarwatiye bolushi, Uyghur közetküchilerning yene bir diqqet nuqtisidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.