Ittipaqdash döletlerning liwiyidiki herbiy herikitining qomandanliq hoquqini sh a o e t ötküzüwalidu

Ittipaqdash döletler kazafiy hakimiyitige qarshi élip bériwatqan liwiyidiki herbiy heriketning qomandanliqi sh a o e t gha ötküzüp bérilidighanliqi élan qilindi.
Muxbirimiz erkin
2011-03-25
Share

En'gliye tashqi ishlar ministiri willi'am xéyg sh a o e t ning qomandanliqni pat arida ötküzüwélishqa teyyarliniwatqanliqini ilgiri sürgen.

Bügün ittipaqdash ellerning liwiyige herbiy heriket qollinip, b d t qararini ijra qilishqa bashlighanliqining 7‏-küni. Sh a o e t ning bayanatchisi o'ana lun'géskuning bügün bryussélda bildürüshiche, sh a o e t liwiyide "Oynaydighan rolini muzakire qilmaqta iken". Bryusséldiki diplomatlar sh a o e t ning uchushni cheklesh wezipisi atqurupla qalmay, herbiy heriketning qomandanliqini pütünley ötküzüwalidighanliqini bildürgen.

Amérika qatarliq döletler nöwettiki herbiy heriketke ereb döletlirining qatnishishini algha sürüp, heriketning qanun asasigha kapaletlik qilishni arzu qilmaqta. Herbiy heriketke hazirghiche ereb döletliridin yalghuz qatar ishtirak qilghan idi.

Xewerlerdin qarighanda, ereb birleshme emirliki jüme küni heriketke qatnishidighanliqini élan qilip, 12 urush ayropilani ewetidighanliqini bildürgen. Amérika we yawropa ittipaqi kéler seyshenbe küni ereb döletlirining qatnishishi bilen londonda yighin chaqiridu.

Ittipaqdash küchler jüme küni liwiye herbiy eslihelirini dawamliq bombardiman qildi. Shu küni fransiye, liwiye hawa boshluqining kontrol astigha élin'ghanliqini bildürgen.

Liwiye herbiy terep bayanatchisi jüme küni tripolidiki bir qanche ammiwi we herbiy eslihelerning bombardiman qilin'ghanliqini ilgiri sürgen. Lékin, amérika s n n téléwiziye qanilining jüme küni rayondin bergen xewiride ittipaqdash küchlerning tripoli etrapidiki herbiy bazilarni bombardiman qilghanliqi bildürüldi.

Bu arida afriqa ittipaqi liwiyilik bir ömek bilen körüshüp, ötkünchi dewr pilani we saylam élip bérish mesilisini muzakire qilghan. Lékin, muzakirige isyanchilarning qatnashqan-qatnashmighanliqi éniq emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet