Xitay axbarat wasitiliri jenubiy déngiz aralliri mesiliside amérikigha hujum qildi

Xitay axbarat wasitilirining düshenbe küni sépratil qatarliq igilik hoquqi talash-tartishtiki jenubiy déngiz aralliri mesiliside amérikigha hujum qilip, uning “Zuwanini yighiwélishi”ni we jenubiy déngizdiki zémin ixtilapigha arilashmasliqini telep qilghan.
Muxbirimiz erkin
2012-08-06
Share

Amérika dölet ishlar ministirliqi ötken jüme küni bayanat élan qilip, xitayning igilik hoquqi talash-tartishtiki rayonda sensha shehiri qurup, herbiy garnizon tesis qilghanliqini tenqid qilghan. Xitayning herikiti mesilining diplomatik yollar arqiliq hel qilinishigha paydisiz ikenlikini, buning weziyetni ilgirilep jiddiyleshtürüwétidighanliqini agahlandurup, weziyetke yéqindin diqqet qiliwatqanliqini bildürgen.

Biraq “Xelq géziti” ning chet'elge tarqitilidighan neshri düshenbe küni obzorchi maqalisi élan qilip: biz amérikini, ismini atap tutup “Zuwanini yighiwélish”qa chaqiriq qilimiz. Junggoning igilik hoquq da'irisidiki mesilige qandaqmu bashqa döletlerning arilishishigha yol qoyulsun, dégen.

“Xelq géziti”ning dölet ichige tarqitilidighan neshride amérikigha qaritilghan tenqid oxshashla keskin bolup, washin'gtonning xitay bilen uning asiyadiki qoshnilirining munasiwitini buzushqa urunuwatqanliqini ilgiri sürgen. “Yan'ghinni ulghaytip, ittipaqsizliqqa qutratquluq qilish, junggogha qarshi qesten düshmenlik peyda qilish yéngi oyun emes” dep körsetken. Wyétnam, filippin, brunéy, malayshiya, teywen qatarliq dölet we rayonlar jenubiy déngizdiki sépratil qatarliq taqim arallarda igilik hoquq barliqini ilgiri sürüp kelgen. Xitayning ixtilaptiki bu rayonda sensha shehiri we garnizon tesis qilishi bu döletlerning naraziliqigha uchrap, filippin qatarliq döletler atalmish sensha shehirini étirap qilmaydighanliqini jakarlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet