Җәнубий корейә қошунлири шималий корийигә қарши җиддий һаләткә кирди

Җәнубий корейә қораллиқ күчлириниң баш қоманданлиқ штаби өз армийисиниң 22 -өктәбир күни әң юқири уруш һалитигә киргәнликини билдүрди.
Мухбиримиз үмидвар
2012-10-21
Share

Америка бирләшмә агентлиқиниң хәвәр қилишичә, буниңға сәвәб болған амил шималий корейә тәрәпниң җәнубий корийиниң тәшвиқат варақлирини тарқатқанлиқи үчүн зәрбә беришкә тәйярланғанлиқи һәққидә агаһландуруш бериши һесаблинидикән.

Шималий корейә һәрбий даирилири әгәр җәнубий корийидики гуруппиларниң шарчилардин пайдилинип шималий корийигә қарши һәр хил тәшвиқатларни давамлиқ әвәтсә, “ җәнубий корейә тәвәсигә зәмбирәк етип, рәһимсизләрчә зәрбә беримиз” дәп җакарлиған. Бу агаһландуруш җәнубий корейә һәрбий тәрәпни җиддийләштүрүп қойған.

Буниңдин бир қанчә йил илгири шималий корейә җәнубий корейә чеграси тәрәпни бир қетим топқа тутуп, вәзийәтни җиддийләштүргән иди.

Йеңидин шималий корейә рәһбири болған ким җуңюн вәзипә тапшурувалғанда өзиниң қаттиқ мәйданини билдүргән. Һазир икки корийиниң тинчлиқ билән бирлишиши яки бир мәйдан уруш қилиши мәсилиси мәвҗут болуп, алтә тәрәп сөһбитидин һечқандақ нәтиҗиләр чиқмиған. Шимал тәрәп ядро қораллирини давамлиқ раваҗландурмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт