Конгода җинсий содиға мәҗбурланған 11 хитай қизи қутулдурулған болсиму, хитайға қайтип кетишни рәт қилған
2011.01.01
"Җәнубий хитай сәһәр гезити"дә хәвәр қилишичә, бу нөвәт қутулдурулған аяллар, адәм бедиклири тәрипидин конгониң пайтәхти киншасаға елип келинип җинсий содиға селинған икән.
Бу хәвәр конгодин қечип хитайға қайтип кәлгән йәнә бәш нәпәр хитай аял тәрипидин даириләргә йәткүзүлгәндин кейин, хитай җамаәт хәвпсизлик министирлиқи адәм бедикчиликигә қарши туруш бөлүми өткән йил ноябирда 10 кишилик бир әтрәт тәшкилләп конгоға йолға салған.
Мәзкур әтрәтниң башлиқи йин гохәйниң гезиткә билдүрүшичә, бу аялларниң көпинчиси хитайниң сичүән өлкисидин болуп, булар җинсий сода билән конгода тапқан пулни сичүәнму тапалмайдиған болғачқа қайтип кетишини халимайдикән.
Хәвәргә қариғанда бу аялларни бир адәм бедики хизмәт тепип беримән дәп алдап конгоға йөткигән вә конгоға кәлгәндин кейин бир хитайлар игидарчилиқидики қавақханиға сетивәткән.
Қавақханиниң хоҗайини қолға чүшкән, әмма бу йәрдин қутулдурулған аяллар хитайға қайтишни рәт қилған.
Хәвәрләргә қариғанда, хитайда кичик балилар вә аяллар әң көп алдинип кетидикән вә башқа дөләтләргә сетилип җинсий қуллуққа мәҗбурлинидикән.
Көп көрүлгән хәвәрләр
RFA
- Америка авам вә кеңәш палата әзалири хитайниң гүлшән аббасни дәрһал қоюп беришни тәләп қилған
- Уйғуршунаслар: принсетон университетида “әзиз әйса әлкүн уйғур әдәбияти әсәрлири топланмиси” ниң болуши тарихий әһмийәткә игә
- Илһам тохтиниң ағриқлиқини ашкарилап қойған түрмә сақчиси ғопур абдурешит 7 йиллиқ кесиветилгән
- Нәфисә оғуз: “хитай әлчиханиси тағам алим абдукеримниң җинайити һәққидә испат беришни рәт қилип кәлди”
- Һазирқи заман уйғур әдәбиятиға беғишланған “қум астидики излар” намлиқ әсәр германийәдә нәшр қилинди