Kon'goda jinsiy sodigha mejburlan'ghan 11 xitay qizi qutuldurulghan bolsimu, xitaygha qaytip kétishni ret qilghan

Melumatlargha qarighanda, xitay saqchiliri tunji qétim bir dölet halqighan adem bédichiliki délosini pash qilip, jinsiy sodigha mejburlan'ghan 11 xitay qizni qutuldurghan bolsimu, bu qizlar xitaygha qaytip kétishni ret qilghan.
Muxbirimiz jüme
2011-01-01
Share

"Jenubiy xitay seher géziti"de xewer qilishiche, bu nöwet qutuldurulghan ayallar, adem bédikliri teripidin kon'goning paytexti kinshasagha élip kélinip jinsiy sodigha sélin'ghan iken.

Bu xewer kon'godin qéchip xitaygha qaytip kelgen yene besh neper xitay ayal teripidin da'irilerge yetküzülgendin kéyin, xitay jama'et xewpsizlik ministirliqi adem bédikchilikige qarshi turush bölümi ötken yil noyabirda 10 kishilik bir etret teshkillep kon'gogha yolgha salghan.

Mezkur etretning bashliqi yin goxeyning gézitke bildürüshiche, bu ayallarning köpinchisi xitayning sichüen ölkisidin bolup, bular jinsiy soda bilen kon'goda tapqan pulni sichüenmu tapalmaydighan bolghachqa qaytip kétishini xalimaydiken.

Xewerge qarighanda bu ayallarni bir adem bédiki xizmet tépip bérimen dep aldap kon'gogha yötkigen we kon'gogha kelgendin kéyin bir xitaylar igidarchiliqidiki qawaqxanigha sétiwetken.

Qawaqxanining xojayini qolgha chüshken, emma bu yerdin qutuldurulghan ayallar xitaygha qaytishni ret qilghan.

Xewerlerge qarighanda, xitayda kichik balilar we ayallar eng köp aldinip kétidiken we bashqa döletlerge sétilip jinsiy qulluqqa mejburlinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet