Kambodzha bash ministiri herbiy aptomobillar üchün xitaygha minnetdarliq bildürdi

Kambodzha bash ministiri Hun Sen bügün muxbirlargha qilghan sözide, xitayning kambodzhagha 257 dane herbiy yük aptomobili we 50 ming qur herbiy kiyim bérishke wede bergenlikini bayan qilip xitaygha minnetdarliq bildürgen.
Muxbirimiz shohret hoshur
2010.05.31
Share on WhatsApp
Share on WhatsApp

Xunsenning bildürüshiche, bu wede bu yil 5 ‏- ayning béshida xusen bilen xu jintaw shangxeyde körüshken chéghida bérilgen. Xu jintaw wediside, herbiy aptomobil we kiyim ‏- kécheklerning 6 ‏- ayning 18 ‏- küni kambodzhagha yetküzülidighanliqini bildürgen.

Amérika hökümiti ötken ayda, amérikining yillardin béri kambodzhagha bérip kéliwatqan herbiy aptomobil yardimini toxtatqanliqini élan qilghan we buning sewebini kambodzhaning 20 Uyghurni xitaygha qayturup bergenliki dep körsetken.

Kambodzha bash ministiri bügünki sözide, xitay rehberlirini kambodzhagha yardem bérishte az gep qilip köp ish qiliwatidu dep medihiyiligen. Bir nechche künning aldida amérika dölet mejliside kambodzhaning amérikidiki tijariy imtiyazini bikar qilish heqqide teklip layihe chüshken.

Közetküchilerning qarishiche, xunsenning bügünki xitaygha minnetdarliq sözliri amérika dölet mejlisidiki teklip layihisige qarita naraziliq tesiridin bolushi mumkin.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.