Хитай содигәр камбоджадин қоғлап чиқирилди

Камбоджа даирилири мәрһум падишаһиға биһөрмәтлик қилған хитай аял содигәрни камбоджадин қоғлап чиқарди.
Мухбиримиз җүмә
2012.10.24

Камбоджа сақчи даирилири тарқатқан мәлуматқа қариғанда, ваң зәйчав исимлик хитай содигәр чаршәнбә күни камбоджадин хитайниң гуаңҗу шәһиригә йолға селинған.

Мәлум болушичә, ваң камбоджадики бир кийим завутиниң иш беши болуп, у сабиқ камбоджа падишаһи нородом сиханукниң рәсимини завуттики камбоджалиқ ишчиларниң қолидин тартивелип йиртивәткән икән.

Ишчилар адаләт тәләп қилип намайиш қилғандин кейин, даириләр ваңни тутуп сотқа тартқан.

Сәйшәнбә күни ечилған сотта ваңға кечиктүрүп иҗра қилинидиған бир йиллиқ қамақ җазаси берилгәндин башқа 620 доллар җәриманә қоюлған. Ваңниң бир йилдин кейин камбоджаға қайтип келәләйдиған яки келәлмәйдиғанлиқи мәлум әмәс.

Сиханук 15-өктәбир бейҗиңда вапат болған вә униң җәсити 17-өктәбир камбоджаға қайтуруп келингән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.