Камерон вә саркозий ливийидә зиярәттә болди

Учришиштин кейинки ахбарат елан қилиш йиғинида мустафа абдуҗелил әнглийә билән франсийиниң казафийниң ағдурулуши үчүн қиливатқан ярдәмлиригә тәшәккүрини билдүргән. Саркозий вә камерон уруш җәрянида бузғунчилиққа учриған ливийини қайта қуруш хизмәтлиридә актип рол елип, ярдәмлирини давам қилидиғанлиқини ейтқан.

Б б с ниң хәвәр қилишичә, камерон вә саркозий казафий һакимийәттин узақлашқандин бери ливийини зиярәт қилған тунҗи дөләт рәһбәрлири болуп, бу икки рәһбәр ливийиниң пайтәхти тириполида хәлқниң қизғин қарши елишиға еришкән. Тириполи хәлқи бу икки дөләт рәһбәрлиригә тәшәккүрини ипадилигән.

Пәйшәнбә күни йәнә, өткүнчи һөкүмәт баянатчиси қаршилиқчи қисимларниң казафийниң юрти сиртәгә киргәнликини вә қисқа вақит ичидә бу шәһәрни қолға алидиғанлиқини елан қилди. Һазир бани валид вә сабһа шәһәрлири һелиһәм казафий күчлириниң қоли астида турмақта.

Өткүнчи һөкүмәт бу районларни қайтуруп елиш үчүн қорал ярдими беришни тәләп қилмақта. Мустафа абдуҗелил мухбирларға қилған сөзидә, казафийниң ливийиниң җәнубида йошурунғанлиқини вә интиқам характерлик һуҗумларни пиланлаватқанлиқини ейтқан.