Kaméron we sarkoziy liwiyide ziyarette boldi

Peyshenbe küni en'gliye bash ministiri kaméron we firansiye prézidénti sarkoziy liwiyide ziyarette bolup, liwiye ötkünchi hökümitining re'isi mustafa abdujélil bilen körüshti.
Muxbirimiz irade
2011-09-15
Share

Uchrishishtin kéyinki axbarat élan qilish yighinida mustafa abdujélil en'gliye bilen fransiyining kazafiyning aghdurulushi üchün qiliwatqan yardemlirige teshekkürini bildürgen. Sarkoziy we kaméron urush jeryanida buzghunchiliqqa uchrighan liwiyini qayta qurush xizmetliride aktip rol élip, yardemlirini dawam qilidighanliqini éytqan.

B b s ning xewer qilishiche, kaméron we sarkoziy kazafiy hakimiyettin uzaqlashqandin béri liwiyini ziyaret qilghan tunji dölet rehberliri bolup, bu ikki rehber liwiyining paytexti tiripolida xelqning qizghin qarshi élishigha érishken. Tiripoli xelqi bu ikki dölet rehberlirige teshekkürini ipadiligen.

Peyshenbe küni yene, ötkünchi hökümet bayanatchisi qarshiliqchi qisimlarning kazafiyning yurti sirtege kirgenlikini we qisqa waqit ichide bu sheherni qolgha alidighanliqini élan qildi. Hazir bani walid we sabha sheherliri hélihem kazafiy küchlirining qoli astida turmaqta.

Ötkünchi hökümet bu rayonlarni qayturup élish üchün qoral yardimi bérishni telep qilmaqta. Mustafa abdujélil muxbirlargha qilghan sözide, kazafiyning liwiyining jenubida yoshurun'ghanliqini we intiqam xaraktérlik hujumlarni pilanlawatqanliqini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet