Канада америкиниң гүәнтанамо илтиҗасини рәт қилған

Канада һөкүмити америка даирилириниң гүәнтанамодики уйғурларни канадаға қобул қилиш һәққидики илтиҗасини йәнә бир қетим рәт қилған. Бирләшмә агентлиқиниң хәвәр қилишичә, канада баш министири стипан харперниң баянатчиси корей тенеке җүмә күни гүәнтанамодики 17 нәпәр уйғурға мунасивәтлик йеқинқи илтиҗаниң рәт қилинғанлиқини билдүргән.
Мухбиримиз әркин
2009.06.05
Share on WhatsApp
Share on WhatsApp

Бирләшмә агентлиқи харперниң баянатчисиниң мундақ дегәнликини хәвәр қилди: "канада гүәнтанамодин һәр қандақ мәһбусни қобул қилмайду. Уйғурларниң мәсилиси вә башқа тутқунларниң мәсилисигә қизиқмайду."

Тенеке, канаданиң рәт қилиш қарариға келиштики сәвәбини чүшәндүрүп, бу қарарниң чиқирилишида хитайниң роли йоқлуқини, тутқунларниң канада билән алақисиз кишиләр икәнликини вә канада даирилириниң бихәтәрлик қайғуси барлиқини билдүргән. Америка гүәнтанамодики уйғурларни "гунаһсиз" кишиләр дәп ақлиған болсиму, лекин америка дөләт мәҗлиси обама һөкүмитиниң бир қисим уйғурларни америкиға қоюп беришигә қарши чиққан иди.

Уйғурларни қобул қилишни халайдиғлан явропадики бир қисим дөләтләр болса америкиниң бир қисим уйғурларни қобул қилип, башқиларға өлгә болуп беришни тәләп қилмақта иди.

Кишилик һоқуқ тәшкилатлири болса гүәнтанамо америка өзи яратқан мәсилә икәнлики, уйғурларни америка өзи қобул қилиши керәкликини тәшәббус қилмақта.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт