Kanada bash ministiri ziyaritide nurmuhemmet yasin mesilisini otturigha qoymaqchi

Kanadadiki Uyghur, tibet we xitay démokratchiliri, yéqinda xitayda ziyarette bolidighan kanada bash ministirini xitayda kishilik hoquq mesilisini otturigha qoyushqa chaqirip namayish ötküzmekchi.
Muxbirimiz jüme
2009.11.30
Share on WhatsApp
Share on WhatsApp

Kanada bash ministiri stéfén xarpér 12 - ayning ikkinchi künidin 6 - künigiche xitayda dölet ziyaritide bolidu. Bu uning 4 yil ilgiri kanada bash ministiri bolup saylan'ghandin buyanqi tunji xitay ziyaritidur.

Kanadagha nezer xewerler torida bérilgen uchurlargha qarighanda, kanadadiki Uyghur,tibet we xitay öktichilerning namayishi 1 - dékabir kanada paytexti ottawadiki parlamént binasi aldida tinch yosunda élip bérilidiken.

Namayishchilar bu nöwetlik namayish arqiliq, kanada bash ministiri stéfén xarpérni xitay ziyariti jeryanda kishilik hoquq qimmet qarishida ching turushqa chaqiridiken. Namayishlar yene, kanada bash ministirigha xitay bilen élip baridighan sodida kishilik hoquqni qayrip qoyushni qobul qilishqa bolmaydighanliqini bildüridiken.

Stéfén xarpér kanada bash ministiri bolup saylan'ghandin buyan, xitaydiki kishilik hoquq depsendichilikini bir qeder ochuq rewishte eyiblep kéliwatqan dölet rehberlirining biri.

Melum bolushiche, u bu nöwetlik xitay ziyaritide xitay türmiside yétiwatqan Uyghur yazghuchi nurmuhemmet yasin mesilisini otturigha qoyidiken. Halbuki, xitay türmisidiki kanada puqrasi hüseyin jélil mesilisini otturigha qoyidighan yaki qoymaydighanliqi hazirche éniq emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.