Kanada xitayda quymichiliq bilen eyiblen'gen süy zilini xitaygha qayturup berdi

Kanada da'iriliri xitayda quymichiliq bilen eyiblinip uzundin béri kanadada panahlan'ghan xitay puqrasi süy zilini xitaygha qayturup berdi.
Muxbirimiz jüme
2010.01.16
Share on WhatsApp
Share on WhatsApp

Melum bolushiche, süy zili 2002 - xitayning ömür sughurtisi shirkitining sughurta satquchisi qiyapitige kiriwélip 24 milyon yüen yeni 3 milyon 590 ming amérika dolliri qimmitidiki neq pulini bashqilardin aldap éliwalghan.

U, bularni bashqa shérikliri bilen birlikte aldap qolgha chüshürgendin kéyin, kanadagha qéchip kelgen we 7 yildin béri kanadada panahlinip turuwatqan idi. Xitay kündilik xewerler gézitining shenbe küni körsitishiche, süy zili ötken charshenbe küni xitaygha qayturulghan.

Süy zili kanadada panahlan'ghandin kéyin, mezkur mesile kanada xitay di'alogliridiki muhim témilarning birige aylan'ghan.

Xitay teripidin iqtisadi jinayetchi dep qariliwatqan ley changshing nöwette kanada panahliniwatqan yene bir xitay qachqun bolup, u ning 1990 - yili fujyende pash bolghan etkeschilik guruhi bilen chétishliqi barliqi ilgiri sürülgen.

Leyning ayali we balilirimu uning bir birge kanadagha qéchip chiqqan. Emma uning ayali we bir qizi ötken yili xitaygha qaytqanda xitayda qolgha élin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.