Liwiye isyanchiliri ultimatum élan qilip, kazafiy küchlirining teslim bolushi üchün üch künlük möhlet berdi

Liwiye isyanchiliri kazafiy küchlirining teslim bolushi üchün üch künlük möhlet bérilgenlikini élan qilip, eger kazafiy teslim bolmisa uni öltürüshke hoquqluq ikenlikini bildürgen.
Muxbirimiz erkin
2011-08-31
Share

Liwiye milliy kéngishining ötkünchi ichki ishlar ministiri exmet darad, isyanchi küchlerning kazafiyni öltürüshke hoquqluq ikenlikini tekitligen bolsimu, biraq milliy kéngesh re'isi mustafa abduljélil kazafiyni tirik tutup, sotlishini ümid qilidighanliqini bildürgen.

Isyanchilarning nöwettiki eng muhim wezipisi kazafiyni tutush. Ular liwiye diktatorining zor éhtimalliq bilen liwiyide ikenliki, uning paytext tripolining sherqiy jenubidiki bin walid dégen yerge möküwalghan bolushi mumkinlikidin guman qilmaqta iken.

Xewerlerdin melum bolushiche, isyanchilar kazafiyning yurti srttiki kazafiy terepdarlirigha üch künlük möhlet bérip, shenbe kün'ge qeder teslim bolushni, eger teslim bolmisa herbiy hujum qozghaydighanliqini bildürgen.

Liwiye mesilisi heqqidiki xelq'ara yighin peyshenbe küni parizhda bashlinidu. Yawropa diplomatlirining charshenbe küni ashkarilishiche, yawropa ittipaqi jüme kündin bashlap liwiyige qaritilghan émbargoni bikar qilishni qarar qilghan.

Fransiye prézidénti sarkoziy we en'gliye bash ministiri kaméronning sahipxanliqidiki yighin'gha 60 dek dölet rehbiri qatnishishi mumkin.
Xitay hökümiti bügün yighin'gha mu'awin ministir derijilik bir emeldarining közetküchi süpitide qatnishidighanliqini bildürgen. Béyjing ilgiri izchil kazafiyni qollap, isyanchilargha soghuq mu'amile qilip kelgen idi.

 Biraq isyanchilar paytext tripoligha kirgendin kéyin pozitsiyisini özgertip, "Liwiye xelqining tallishigha hörmet qilidighanliqi" ni jakarlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet