Kazafiy terep qozghilangchilar bilen söhbet ötküzüshni xalaydighanliqini bildürdi

Yekshenbe küni kazafiyning bayanatchisi musa ibrayim kazafiyning qozghilangchilar bilen hakimiyetni ötküzüp bérish mesilisi heqqide tinchliq söhbiti ötküzüshni xalaydighanliqini bildürdi.
Muxbirimiz ümidwar
2011.08.28

B b s agéntliqining xewer qilishiche, ibrayim özining jüme küni kazafiy bilen körüshkenliki hemde uning téxi liwiyide ikenlikini eskertken.

Nöwette, kazafiyning qéchip ketkenliki, hetta chet'ellerde yoshuriniwatqanliqi heqqide sözler tarqilip, qozghilangchilar uni izdimekte idi. Kazafiy hökümitining bayanatchisi sözide kazafiyge wakaliten uning oghlining qozghilangchilar bilen söhbet ötküzidighanliqini tekitligen.

Buningdin bir hepte ilgiri qozghilangchilar tripoli shehirige hujum bashlighanda kazafiyning qozghilangchilar bilen yarishish söhbiti ötküzüshni xalaydighanliqi eskertilgen idi. Emma, kazafiy qozghilangchilarni qattiq eyibligen we bir heptidin buyan sheher ichide qarshiliq körsitishni dawamlashturmaqta idi.

Nöwette, ikki milyon nopusluq tripoli shehirini su, yémek we bashqa turmush buyumliri hem yéqilghu bilen bilen teminlesh jiddiyleshken.

Liwiye qozghilangchilirinining ötkünchi hökümiti kazafiyning söhbet teklipige nisbeten shert qoyup, kazafiyning choqum shertsiz teslim bolushi lazimliqi, shu chaghdila söhbet ötküzidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.