B d t kazafiyning ölüm sewebini tekshürüshni telep qildi

Liwiye milliy kéngishining bash ministiri jibril kazafiyning yurti sirtediki toqunushta béshidin yarilinip doxturxanigha élip bérilish ariliqida ölgenlikini élan qilghan. Jibrilning ilgiri sürüshiche, kazafiy sirttiki toqunushta tirik qolgha chüshken kéyin yüz bergen milliy kéngesh qisimliri bilen kazafiy terepdarliri arisidiki toqunushta yarilan'ghan.

Biraq qandaq ölgenliki b d t kishilik hoquq kéngishining diqqitini qozghighan. Béziler tor bétide élan qilin'ghan körünüshlerdin uning yarilinip qolgha chüshkendin kéyin, isyanchilar teripidin urup öltürülgen bolush éhtimalliqi mewjut, dep qarimaqta. Naway pillayning bayanatchisi qol téléfoni arqiliq élin'ghan kishini bi'aram qilidighan körünüshlerdin, kazafiyning qolgha chüshkende hayat ikenliki melum, dep körsetken.

Analizchilar kazafiyning ölümi diktatorlargha bérilgen küchlük sin'gal, dep körsetmekte. Tünügün amérika prézidénti obama bayanat élan qilip, kazafiyning ölümi “Ottura sherqte istibdatliqning halak bolushidin qéchip qutulghili bolmaydighan haletke bérip qalghanliqi” ni bildürgen idi.

Obama “ Bu yéngi we démokratik liwiyide özining kélechikini özi belgilesh pursitige érishken liwiye xelqining, uzun we échinishliq dewri axirlashqanliqidin dérek béridu” dégen.