Aqsarayda bérilgen kechlik tamaqning arqisidiki agahlandurush

Xitay dölet re'isi xu jintaw ötken seyshenbe washin'gton'gha yétip kelgen künning axshimi aqsarayda kechlik ghizagha teklip qilin'ghan idi.
Muxbirimiz erkin
2011-01-21
Share

"Nyu york waqti" géziti bügün xewer élan qilip, xitay metbu'atliri teripidin xu jintawning amérikida pewqul'adde iltipat bilen kütüwélin'ghanliqining namayendisi, dep keng teshwiq qilin'ghan aqsaraydiki kechlik ghizaning sirini ashkarilidi. "Nyu-york waqti" gézitining ilgiri sürüshiche, prézidént obama aqsaraydiki kechlik ghizada xu jintawni agahlandurup, eger xitay shimaliy koriyige bésimni kücheytmise, amérikining asiyagha qoshun orunlashturup, shimaliy koriyining amérika tupriqigha hujum qilishining aldini alidighanliqini bildürgen.

"Nyu-york waqti" gézitining yuqiri derijilik amérika hökümet emeldarlirining sözidin neqil keltürüp bergen mezkur xewiride ilgiri sürüshiche, obamaning xu jintawni agahlandurushi nahayiti téz ünüm bérip, shimaliy koriye peyshenbe küni jenubiy koriyining pyongyang bilen shertlik söhbet ötküzüsh teklipini qobul qilghan. Bu xewer xu jintawning sepirini dawamlashturup, chikagoni ziyaret qiliwatqan bir mezgilde élan qilin'ghan. Aqsaray jüme küni bu heqtiki xewerlerge baha bérishni ret qildi. Bu prézidént obamaning xu jintawni 1 ‏- qétim agahlandurushi emes. Obama, eger xitay tedbir qollanmisa asiyada qoshun turghuzidighanliqini 1‏- qétim 2010‏- yili 12‏- ayda xu jintaw bilen téléfonda sözleshkende tekitligen. Bu qétim uning aqsaraydiki ghizada xitayni 2‏ ‏- qétim agahlandurushi.

Amérika metbu'atlirining xewer qilishiche, béyjing uniwérsitéti xelq'ara tetqiqat ornining mutexessisi wang dung, xu jintawning kechlik ghizada agahlandurulghanliqigha da'ir bu xewer "xu jintawning yüzige bir shapilaq salghanliqtur" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet