Xelq'ara kechürüm teshkilati xitay hökümitini nurmemet yasinning ölümi heqqidiki xewerning rast-yalghanliqi heqqide ipade bildürüshke chaqirdi

Bügün xelq'ara kechürüm teshkilati mexsus bir bayanat élan qilip, xitay hökümitini, yazghuchi nurmemet yasinning türmide ölgenliki heqqidiki xewerning rast-yalghanliqi heqqide derhal ipade bildürüshke chaqirdi.

Bayanatta: “Eger xewer rast bolsa, bu xitay hökümitining edliye sistémisi üchün nomus qilarliq bir ehwal” déyildi.

Nurmemet yasinning shayar türmiside ölgenliki heqqidiki xewer gerche a'ilisi we da'iriler teripidin téxi resmiy yosunda delillenmigen bolsimu, xewer tunji qétim xitaydiki bir nopuzluq bir adwokat teripidin tarqitilghan bolghachqa, xewerning xelq'ara jem'iyettiki tesiri kündin-kün'ge kücheymekte.

Xelq'ara kechürüm teshkilatining bügünki bayanatining axirida: “Xitay hökümiti shuni tonup yétishi kérekki, yazghuchilarning öltürülüshi, ularning eserlirining tesir küchini azaytalmaydu, bu eserler qozghighan erkinlik telipini esla peslitelmeydu” déyilgen.

Nurmemet yasin“Yawa kepter”namliq edebiy esiri seweblik“Bölgünchilik jinayiti” bilen eyiblinip 2004 ‏-yili 10yilliq qamaqqa höküm qilin'ghan idi.