Xelq'ara kechürüm teshkilati yawropa ittipaqining kishilik hoquq siyasitini qattiq tenqid qildi

Yawropa ittipaqi mushu bir qanche kün ichide bu yilliq nobél tinchliq mukapatini tapshuruwalidu. Del mushu peytte, xelq'ara kechürüm teshkilati yawropa ittipaqining kishilik hoquq siyasitini qattiq tenqid qildi.
Muxbirimiz erkin
2012.12.07
Share on WhatsApp
Share on WhatsApp

Mezkur teshkilatning gérmaniye shöbisi mes'uli wolfgang gréniz, yawropa ittipaqining musapirlar siyasiti uning érishken nobél tinchliq mukapatigha maslashmaydighanliqini bildürgen. Uning bildürüshiche, ötken bir yilda 1500 neper musapir yawropa ittipaqi ottura déngiz boyidiki döletlerning chégrasini qattiq kontrol qilghanliqi seweblik ölgen.

Wolfgang grénizning ilgiri sürüshiche, yawropa ittipaqining bu xil herikitining özi kishilik hoquqqa qilin'ghan bir xil buzghunchiliq.

Biraq yawropa komitétining bayanatchisi xelq'ara kechürüm teshkilatining tenqidige inkas qayturup, yawropa ittipaqining köchmenler we musapirlargha xeyrxahliq qilish siyasiti yürgüzüp kelgenlikini bildürgen. Bayanatchi, yawropa ittipaqi özining köchmenler we musapirlargha qilghan barliq ish izliridin pexirlinishke heqliq, dégen.

Yawropa ittipaqi yéqinqi yillardin buyan, musapirlarni qobul qilish siyasitini izchil chingitip keldi. Shu qatarda gollandiye, shwétsiye, gérmaniye qatarliq ellerdiki nurghun Uyghur musapirlirining siyasiy panahliq iltimasi ret qilishqa uchrap, ularning xitaygha qayturulush xewpi Uyghur teshkilatlirini endishige salghan.

D u q izchil mezkur ellerning munasiwetlik organlirini ziyaret qilip, Uyghur musapirlirigha siyasiy panahliq bérishni, ular xitaygha qayturulsa, hayati tehditke uchraydighanliqini bildürüp kelgen.

Gérmaniye axbarat wasitilirining xewer qilishiche, yawropa komitétining bayanatchisi yawropa ittipaqining mezkur mesilidiki siyasitini aqlighan bolsimu, biraq u yene, bezi döletlerning bu jehette özgertishke tégishlik terepliri barliqini inkar qilmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet