Хәлқара кәчүрүм тәшкилати хитайдин камбоджадин қайтурулған 20 уйғурниң ақивитини сориди

Хәлқара кәчүрүм тәшкилати баянат елан қилиштин бурун хитай ташқий ишлар министирлиқи баянатчиси җяң йүй, хитайға қайтуруп берилгән уйғур мусапирлириниң һазир қәйәрдә тутуп турулуватқанлиқи һәмдә уларниң хитайға қайтурулғандин кейинки әһвалиға даир учур билән тәминләшни рәт қилған иди.

Хәлқара кәчүрүм тәшкилати баянатта "икки кичик балини өз ичигә алған бу кишиләрниң хитайға қайтурулғандин кейин тән җазаси, һәтта өлүм җазасиға учраш хәвпи барлиқи"ни тәкитлигән.

Хәлқара кәчүрүм тәшкилатиниң асия ‏- тинч окян ишлири мәсули сам зарифи, улар җазаланса уларниң чоқум қолға чиққидәк бир гунаһи болуши керәклики, болмиса уларни қоюп беришни тәләп қилип, әгәр улар сотланса "уларниң соти чоқум хәлқара өлчәмгә тошуши вә өлүм җазаси берилмәслик шәрти астида сотлиниши лазим," дегән.

Җяң йүй уйғур мусапирлириниң әһвалидин мәлумат беришни рәт қилиштин аввал, б д т ниң аз санлиқ милләтләр ишлири мутәхәссиси гай микдогал уйғур аптоном райониға адәм әвәтип, районда йүз бәргән трагидийә вә өлүм - йетим вәқәлирини өз җайида тәкшүрүшни тәләп қилған иди. Бу, гай микдогалниң уйғур аптоном районида тәкшүрүш елип беришни 2 ‏- қетим тәләп қилиши болуп, у, "5 ‏- июл вәқәси"дин кейин районда тәкшүрүш елип беришни тәләп қилған, лекин хитай һөкүмити униң илтимасиға җаваб бәрмигән иди.