Хәлқара кәчүрүм тәшкилати йиллиқ кишилик һоқуқ доклатини елан қилди

Хәлқара кәчүрүм тәшкилати, нөвәттики шараитта пәқәт иқтисади йүксәлдүрүшкә әһмийәт берип қалмастин, техиму муһими һәр қайси дөләтләрниң алди билән өзиниң кишилик һоқуқ хатирисини яхшилишини тәләп қилған.

Доклатта,гана, дарфор,сомали,ганго қатарлиқ дөләт вә районларда ички тоқунуш сәвәбидин иқтисад төвәнләп кәткәндин башқа, дөләтләрдә иқтисадниң төвәнләп китиши сәвәблик, йемәклик баһасиниң өрләп китиш әһвали келип чиқиватқанлиқини баян қилип бу мәсилини һәл қилиш тәләп қилинған.

Доклатта, асия дөләтлиридики пуқраларниң иқтисадий кирим пәрқиниң бир қәдәр зор болуватқанлиқи, болупму хитайда деһқанларниң турмуш сәвийисиниң төвәнләп китиватқанлиқи көрситилгән.

Доклатта йәнә, хитайниң олимпик мусабиқисини баһанә қилип, кишилик һоқуққа еғир дәриҗидә дәхли йәткүзгәнлики, болупму тибәт һәм уйғур илидә бастурушни күчәйткәнлики,хәлқара җәмийәттә хитайниң кишилик һоқуқ хатирисиниң начарлиқи оттуриға қоюливатқанлиқи алаһидә тәкитләнгән.

Доклатта хәлқарада иҗра қилиниватқан өлүм җазасиниң 5тин 4 қисминиң дуня иқтисадида йетәкчи орунда туриду дәп қаралған 20 дөләт гуруһиға әза дөләтләрдә йүргүзүлүватқанлиқи тәнқид қилинған. Болупму хитай, сәуди әрәбистан һәм америка қатарлиқ дөләтләр тәнқидләнгән.