Xelq'ara kechürüm teshkilati yilliq kishilik hoquq doklatini élan qildi

Xelq'ara kechürüm teshkilati bu yilliq kishilik hoquq doklatini élan qilghan bolup, doklatta her qaysi dölet hökümetliridin, dunya iqtisadi krizisi sewebidin kélip chiqqan namratliq mesilisini hem kishilik hoquq xatiriside saqliniwatqan mesililerni hel qilish telep qilin'ghan.
Muxbirimiz mihriban
2009.05.28
Share on WhatsApp
Share on WhatsApp

Xelq'ara kechürüm teshkilati, nöwettiki shara'itta peqet iqtisadi yükseldürüshke ehmiyet bérip qalmastin, téximu muhimi her qaysi döletlerning aldi bilen özining kishilik hoquq xatirisini yaxshilishini telep qilghan.

Doklatta,gana, darfor,somali,gan'go qatarliq dölet we rayonlarda ichki toqunush sewebidin iqtisad töwenlep ketkendin bashqa, döletlerde iqtisadning töwenlep kitishi seweblik, yémeklik bahasining örlep kitish ehwali kélip chiqiwatqanliqini bayan qilip bu mesilini hel qilish telep qilin'ghan.

Doklatta, asiya döletliridiki puqralarning iqtisadiy kirim perqining bir qeder zor boluwatqanliqi, bolupmu xitayda déhqanlarning turmush sewiyisining töwenlep kitiwatqanliqi körsitilgen.

Doklatta yene, xitayning olimpik musabiqisini bahane qilip, kishilik hoquqqa éghir derijide dexli yetküzgenliki, bolupmu tibet hem Uyghur ilide basturushni kücheytkenliki,xelq'ara jem'iyette xitayning kishilik hoquq xatirisining nacharliqi otturigha qoyuliwatqanliqi alahide tekitlen'gen.

Doklatta xelq'arada ijra qiliniwatqan ölüm jazasining 5tin 4 qismining dunya iqtisadida yétekchi orunda turidu dep qaralghan 20 dölet guruhigha eza döletlerde yürgüzülüwatqanliqi tenqid qilin'ghan. Bolupmu xitay, se'udi erebistan hem amérika qatarliq döletler tenqidlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.